Home
Deutsch
Boarisch
Brotdukte(auch Kleingebäcke)
 


Momendan ies unsa Homepage no a Bauschdeu. Mia san awa schwar droh, das ma eana des ganze Sortiment zoang kenna.

Wenn's unsa Gschäfd no gorned kenna, und easd im Indaned auf uns aufmeagsam woan san: Mia dan se gfrein, wenn ma wos vo Eana hean dan! Biddschen lossns uns eanare Wünsche und Fragn wissn, mia erkläan eana ois ganz genau. 

Dawei daglangas uns wia imma am Telefon unda 08856/2259 oda nadiale in unsara Beggarei zu de üblichn Öffnungszeidn.                                              

Mo,Di,Do und Fr vo 7mme-heuwe Oans und vo 3-um heuwe 7mme auf d'Nochd.  

Mi vo 7mme-heuwe Oans  und

Sa vo 7mme-12e                                               

Fia de wos gorned dawardn find se a scho friara a Weg zu uns rei.


Gans schneu as wichdigsde wos üwa uns wissn soidadn: Unsa Baggschdum und unsa Gschäfd gibbds seid 19.12.1949. Unsare langährign Schdammkundn gfeud an uns bsondas des große, abwechslungsreiche und jedn Doog frischeSortimend. Ned zum vagessn...unsa Liefaservice(Großobnehma wia Endvabraucha). Unsa Gschäfd is in da Seeshaupterstraße 4, da fasd geographische Middlpungd vo 82377 Penzberg.

Verbraucherinformation:

Jeeds Johr as Soiwe: Riesn Sauarei in da Lebensmittelbranche. Dees Johr in da Beggarei Alois Edlfurtner



Godd sei Dank bassd unsa Kundschafd auf und drum homma unsa Seidn grod nu aktualisian kenna.Osdan gähds nadiale ned um Schweine, sondan um ...ganz richdig Schoafal.



Sehr vaehrte Kundschaft, da Sie seid Anfang September in de Supermärkte vo anara Fülle vo Weihnachtsgebägge dadruggd wean, hom's vieleicht üwaseng, daß voahea no Kirchweih kimmd. Kirchweihzeit is traditionell Krapfen(Berliner)zeit und ned Stoinzeit. Wenn Sie des vawechsln braucha's an Weihnachten fia eanan Kaffeediesch scho wieda Schoafal und da Jahreswechsel erfoigd ned auf 2005 sondan auf 2006 und schwupp...hom's a ganzs Johr valorn, rein kulinarisch g'seng.

11.11.2004

Am 11.11. is ned blos Faschingsanfang, na es is a Martinsdoag. Und in vaschiedane Ordschafdn hod se do da  Brauch da Martinsümzüge fesdgsedsd. Oa Highlight(ziemle Neideitsch) vo dene Ümzüg san Martinsbrezen.



Warum san de Martinsbrezen denn so beliebt ? Oa wichdiga Grund wead sei, daß des Zuggeale bis eds, zumindasd bei uns, nur an dem oana Doog gibd und sich so Mancha a gaaaanzs langs Joohr drauf frein konn, bis s' wieda so weid is. Und aus meina Sichd soi des a so bleim. Schaun ma meu was so manche Großhandelskette davo hoid. Vielleicht gibds ja a scho zua Eröffnung da nächsten Badesaison den Artikel an jedem Freibad Kiosk und vielleichd konn ma se den nächsten Martinsumzug dann ja sparen.

8.2.2005

As Vaschdeggschbui is vabei. Mia kenna sei Geheimnis. D'Beggarei Alois Edlfurtner in Penzberg is des Haubdquardia vom






30.9.2005

Dengas no an de Zeiln undaheub vo de Lambe ?

Richdig is : Jeda Monad hod an 24.

Richdig is awa a : Ned jedn Monad is Weihnachdn. Und desweng wean mia mid da Produktion vo Schdoin und andare Weihnachdsschbezialidätn no a wene wardn.

28.10.2005


Heid in da Fria howe a Kundngeschbräch in da Aufwärmschdation belauschd. A besorgde Mamma hod se nach dem Ausbackgrad vo de aufgwäamndn Sachn erkundigd, wos fia ihre Schradsn gsünda war. I hob des ned vaschdandn, wenn sa sa wiaglich Sorgn um ihran Nachwuchs machd, warum gähds dann ned einfach in d'Beggarei ?

Eia Backman

6.10.2006

Seid da ledsdn Aktualisierung(is ned wiagle boarisch, i woaß) is fui Zeid vaganga und vui Leid frong se wann's endlich wieda neie und wichdige Informationa vom Backman gibd und wann endlich "Brotdukte" eus Buidl und "Brotduktinformationa" eus Täxd rauskemma.Guad, wia Sie gschädsda Kunde oda Lesa vo dera Seidn, gwies scho gmeagd hom is des ned unbedingd so a Seidn wias meine Kollegn und Midbeweaba(grrrr) so raus gem dan. Wenn i auf soichane Seidn gäh wea i imma wieda total vo so Subbalative wia "Besde, imma ofnfrisch, simm Doog in da Woch,eigne Muih, mindasdns seid 350 Johr, wieda a neie Vakaufsschdeu eaöffnäd...etc...bäbä" dadruggd.Wia soi i do mein Bedrieb vo soich tolle Midbeweaba no heavoa hem ? Zeadifikate, Uakundn, Auszeichnunga belegde Seminare, Umweudgütesiegl olles scho meu dogwen, aussa:

Do buddsd da Schäf


Nadiale vo hind aufgnomma weil sie wissn ja:...Backman

30.10.2006


De Seidn "links oda Rechds" hoaßd eds "Brotdukte" und wead so schneu wia mögle aufgfuid.

A ned gans so ungewöhnlich: Ziemle am Anfang vo da Seidn dafrong Sie eds auf Anregung vo am aufmeagsama Kundn unsere Öffnungszeidn.

"Links" zu befreundete Undanehmen findns in Zukunfd glei auf da Schdardseidn.


De Seidn lebd



I woas ja nia auf woicham Greidsfahra wo auf da Woid, daßd di grod wieda rumdreibsd.

21.2.2012


Drods dem Großangriff in a Brodfabrig in Bayern, schaugds ned so aus eus war da Beschdand da Baggschdummaus in Gefahr. Wia dee, heimlich mid vaschdegda Kamara aufgnommana Buidl, beweisn.





Mia mächdn uns fia de schlächdn Buidl nommeu endschudign, awa Sie wissn ja...vaschdegde Kamara.

Kontakt:franzedlfurtner@edlfurtner.de

Home


 
Top